WGH Tura, Meghalaya State Legal Services Authority (MSLSA), jolo songdongenggipa manderangna aro Nokmarangna mediation ba songgigrikatanio dakna nanggnirangni bidingo training program-ko Tikrikilla MFC Hall-o ong·ataha. Ia program-ko Department of Justice, Ministry of Law & Justice, Government of Meghalaya-ni bak gita “Increasing Access to Justice through Community Mediation” ine katta bichongko donenba ong·atangaha.
MJS & Officer on Special Duty, MSLSA T T. M Sangma tom·anio aganengon, nangrimgrikatani ba songgigrikani aro apsandakgipa kamrangna songni manderang aro Nokmarang dal·bea daito gnanggiparang ong·ani gimin ia traning program-ko ong·ataha ine parakangaha. Songsalo iarang gitalgipa ong·ja indioba manderangna aro Nokmarangna a·sel ong·ani bidingo nambate ma·sie ra·e aro niamrangko ja·rike nanggrikani somoio songgigrikanio dakna nanggnirangko gisik ra·ataianisan ong·a ine Sangma aganangaha.
Technical session-koba ia program-o ong·ataha jeon bakko ra·giparangna songgigrikataniko dakgipani daito, kattarangko jakkalani aro gipin nangchapgipa ja·pangrangko skie on·aha.
