Tura-ni North-Eastern Hill University (NEHU) Incubation Centre skanggipa changna bija bitchi rangko ‘Mithi Kranti’ (bija bitchi ko tariani) ni gita man∙soaha. Ia bija bitchiko tarianiko August 2022 oni West Garo Hills a∙jani Gambegre-o a∙bachengate on∙angaha. Vice-Chancellor Prof Shukla ni aganani gita bija bitchiko donaniara ba tarianiara kangal cholgri ong∙aniko champengna aro janggitangani cholrangko tangdo∙atna gita miksongani ong∙a.
Tura campus-ni Incubation Centre-ko bija bitchi donanirango name kamrangko ka∙angchina gita pakwatan baksana bija bitchiko donanirango saksa sakgipina didianiko on∙e scientific bee-keeping ko jakkalchina aro kamgri dongenggipa chamdamberangna an∙tangtangna kamaiani cholrangko man∙agita skie on∙chinaba pakwatangaha. Iako chu∙sokatna gita Tura-ni NEHU, South West Khasi Hills ni District Commerce and Industries Centre baksa bakrime sak 444 bija jilgiparangna Mawkyrwat DCIC ni gita skie on∙angaha.
Tura NEHU Incubation Centre ni Nodal Officer R Sasikumar rakbee kamrangko ka∙e skanggipa changna ton 1 bija bitchirangko ge∙gni cluster dolrangniko Sukrobar salo man∙soaha. Ia man∙sogimin bija bitchirangko name dake porikkarangko ra∙aha aro nambatsranggipa ong∙a ineba ua parakataha.
Tura ni NEHU bilsi prako bija bitchirangko ton 20 ba 25 mangni gita South West Khasi Hills a∙janiko man∙a gita ka∙dongsoan baksana iako nambegipa damrango aro bija jilani bosturang jekai bija donani bakso, bija donani net, bikotani bostu una agreba dingtang nanggnirangko bija jilna an∙tangtangko on∙kanggipa cluster dolrangna bang∙bate bija bitchirangko man∙a amna gita sualanirangko dakanggen ine u∙iataha.
Tura ni Incubation Centre Agriculture, Holticulture aro Apiculture ni nanggni bosturangko a∙doko 2019 oni 2023 ona sak 500 game ge∙e cha∙giparangna ICAR-NIBSM, Raipur Chhattisgarh baksa namgrime suale on∙angaha.
