Bakrim 2025 jean sorkarini scheme rangko dingtang dingtang songrango kam ka·anirangko nambate chu·sokatna man·agita songrangni gisepo susagrikatagita Dadenggre-o da·aloni a·bachengate re·baenggipa March 19 tarikona ong·atanggen ine Sub-Divisional Officer (Civil) aro Dadenggrre Civil Sub-Division C Awasthi u·iatangaha.
Bakrim 2025 ge·sa susagrikani program mangmangsan ong·aigija Dadenggre Block-o sorkarini on·gimin schemerangchi namroro silroroataniko ra·bana aro gisiko nange ku·cholsan ong·e kam ka·ani ong·a ine Dadenggre ni SDO aganangaha.
Ia programni mikeonganiara manderangna sorkarini on·gipa schemerang jekai MGNREGA, PMAY, Health department ni Ayushman Bharat, Agriculture department ni PM Kisan, PM Vishwakarma aro dingtang dingtang scheme rangni bidingo ma·sie ra·e iarangni namgnirangko man·e ra·rikchina SDO u·iatangaha.
Una agreba Best Village Award aro gipin boksisrangko lakh 1 ona kingking bak ra·gipa songrang cholko man·anggen ineba u·iatangaha. Iasan ong·aigija pakmarango noksa salani, budu salgrikani, Volleyball, Music, chrokani, sola re·pani, mesu aro cha·ani palanirangkoba ia biapo ong·atanggen.
Unbaksana nambatsranggipa VEC, VHC, SHG, PMAY nok, game cha·gipa, rongtalbatsranggipa song, Long-Live Award aro gipinrangkoba ia program-o ong·atangna miksonganio sakantikon gisik nange krimkro ong·e bakko ra·angchina SDO aganangaha.
