College of Community Science, CAU(I), Tura, da·al sal March 8 tariko ‘International Women’s Day 2025’ ko “Accelerate Action” katta bichongko done maniangaha. Ia manianiona college-ni faculty member-rang, staff-rang, ge·e game cha·giparang aro ma·giparang re·bae bakko ra·angtokaha.
Tom·ani a·bachengao sokbagiparangko Prof. Anupama Mishra rimchaksoaha. Unikoa, EECM department-ni HOD Prof. Puspita Das jinmana aganwatengon me·chikrangko pilak a·bao bilakatani chong·motan women empowerment-ni bidingo aganangaha. Ua ge·e game cha·giparang baksa aro a·ba game cha·gipa ma·giparangmingba agangolgrikangaha.
Ia program-ko Dr. Narmada Hidangmayum nirokaniko dakaha. Program-ni bon·chota bako HDFS-ni Associate Professor aro maniani saksa coordinator ong·gipa Dr. Shipra Nagar sokbagiparangna mittelpilani kattarangko aganangaha.
