Tura Don Bosco College-o jatni dilgipa Purno Agitok Sangma-ko gisik ra·e ong·atenggipa P. A. Sangma Memorial Basketball Tournament 2025 mijal saloni a·bachengaha. Tournament-ko oprakani program-ona West Garo Hills ADC Nippon Hajong mongsonggipa ong·e sokbaaha, unbaksa DBC-ni Principal Fr. Januarius Sangma, skigiparang aro chattro chatrirangba bakko ra·angaha. Ia susaani joljol March 4 tarikona kingking ong·anggen.
Tournament-ko Tura Basketball Club dingtang mancha Chief Minister Conrad Sangma-ni dakchakanichi, WGH district administration aro GHADC-ni dilaniko man·e ong·atenga. Ia susaanio Meghalaya a·dokni nambatsranggipa chugimik dol 12 mang bakko ra·enga aro uamango namnamgipa kal·giparangba gnang. Kal·aniko Round-Robin format-o susaatgen jeon salgni league match-rangko ong·atenba knock-out stage-ko kal·atanggen.
A·bachengani salo adita dolrang susaangaha. Mijalo kal·anggiparang Sangkni 58-70 Onyx, GForce B 21-31 Samurai, SYM 44-19 Megajak, GForce A 65-46 Dubakh (DSE), Onyx 55-18 Chisak Rookies aro Samurai 24-48 Salgro 13 dolrang susaangaha. Da·al saloba apsandake league match-rangko kal·angenga, uni ja·mano joljol knock-out match-rangko ong·atangskagen.
