Williamnagar songjinmani District Planning Office-ni ning·o donggipa Science Centre-o PHE Minister Marcuise N. Marak, Library-cum-Career Guidance Centre-ko da·al salo oprake on·angaha. Program-ona Deputy Commissioner, Vibhor Aggarwal, Superintendent of Police, SA Rynjah, school aro college-rangni Principal-rang, unbaksana chatro chatrirang aro gipin dal·dalgipa manderangba re·bae bakko ra·angaha.
Minister, Marcuise Marak, tom·ao aganengon a·jao ia centre-ko ra·bana kam ka·anina Deputy Commissioner-ko demittelangaha. Jolni chatro chatrirangkoba ua ia career guidance centre-ni namgniko ra·e jakkalchina didiangaha.
Deputy Commissioner, Vibhor Aggarwal, ia library-ko multi-purpose dake jakkalna miksonganiko janapangaha jekon wilwilao donggipa chadamberangna dingtang dingtang competitive porikkarangna career guidance-ko on·anggen ine parakangaha. Superintendent of Police, SA Rynjah, Loyola College aro Secondary school-rangni chatro chatrirangba program-o aganangaha. Bon·chotao, District Planning Officer aro ADC, D A. Sangma mittelpilani kattarangko aganangskaaha.
