Meghalaya a∙doko science stream ko dam bonga college rango ra∙bana a∙dok sorkari tik ka∙angaha.
Ia tik ka∙aniko mijal attamni cabinet tom·anio ra·chake a·dokni dam bonga college jean Sohra College, Williamnagar Government College, Baghmara College, Mawphlang aro Mahendraganj College rango science stream rangko ra∙bana tik ka∙aha ine Chief Minister Conrad Sangma kobor ra∙timgiparangna aganangaha.
Iako ra∙gatani miksonganiara National Education Policy ni ra·gatgimin niamrango pangchake government college-rango gimik stream ko ra∙bana nangchongmotaniko janapa donganina tik ka∙angaha ine Sangma agandapangaha.
