Meghalaya a·dokni skanggipa State University Jean Captain Williamson Sangma State University da·al salo University Grants Commission (UGC) ni ra·chakaniko man·angaha.
Captain Williamson Sangma State University-ko a·dok sorkari State Public University nigita Captain Williamson Sangma State Technical University Act 2011 (Meghalaya Act No. 17, 2011) ko dingtangate Captain Williamson Sangma Technical University Amendment Act, 2023 (Meghalaya Act No.12, 2023) ko ra·gatskae a·bachengataha. Unbaksana Meghalaya Act No.12, 2023 ko 2024 ni Act No. 7 aro 2024 ni Act No. 13 ko ra·gatskae dingtangataha.
University Grants Commission (UGC) nigita Captain Williamson Sangma State University-ko section 2(f) of UGC Act 1956 ni dongimin ritingo segate don·anikoba parakataha.
