North Eastern Hill University (NEHU) o ong·enggipa obostarangko ta·rake nirokatchina NEHU-o poraienggipa chatro chatrirang, skigiparang aro kam ka·rimgiparangni palo Tura-ni MP Saleng A Sangma, India-ni President Droupadi Murmu-na chittiko sedoataha.
Prof. Prabha Shankar Shukla-ni Vice Chancellor-ni kamko jako ra·ani ja·mano adita NEHU-ni dingtanganirangko nikna man·aniko North Eastern Hill University Teachers’ Association (NEHUTA) aro Meghalaya Tribal Teachers’ Association (MeTTA) dolrang janapangaha.
NEHU-o neng·nikanirangko NEHUTA aro MeTTA-ni janapanganiko ta·rake nirokatna nanganiara Vice Chancellor-ni kamna seokaniko, porikkarangko ong·atanio bilding bildang ong·aniko, Deputy Registrar-ni kamrangko ka·na kragipa manderangko seokgijaniko, hostel-ko nirok simsakgija galchipenganiko, library rango ki·tap rangko chu·onggija rakkiani, Vice Chancellor-ni kragijagipa kamrangko ra·chakna man·gijaniko aro bang·a changon VC-ni donggijani a·selo chatro chatrirangna namen neng·nikanirangko man·enganiko ta·rake nirokatchina Saleng Sangma, India-ni President-ko mol·molangaha.
