North Eastern Hill University (NEHU) ni Vice Chancellor (VC) Prof. Prabha Shankar Shukla-ni Sukrobar saloni November 29 tarikona earned leave ra·angani ja·mano NEHU-ni saksa gitchambegipa Prof. N. Saha Vice Chancellor-ni kamko in-charge ong·e mijal attamoni jako ra·e ka·angskaenga ine koborna parakataha.
Prof. N. Saha-ni Vice Chancellor-ni kamko in-charge ong·e jako ra·angani somoio NEHUTA, MeTTA-NEHU, NEHUSU, KSU NEHU Unit aro NEHUNSA dolrangba dongpae bakko ra·angaha. Vice Chancellor-ni kamko in-charge ong·e sal 15 ona jako ra·e kam ka·ani somoio skigiparang, chatro chatrirang aro non-teaching staff-rang baksa nangrime NEHU-ni bang·a neng·nikanirangko olgrokatna man·a dipet jotton ka·e kamko ka·anggen ine Prof. N. Saha aganangaha.
