South Garo Hills a·jao, November 7 tariko chong·motan Wangala maniani somoio District Selection Committee (DSC) ni LDA kamna aro una agreba dingtang dingtang post-rangna typing test ra·aniko Garoland State Movement Committee (GSMC) Southern Zone jegalataha.
November 7 tarikko Wangala maniani dongani gimin Garo Hills-ni dingtang dingtang District Administration-rang sorkari office, school aro college-rangko chutti on·ahaoba DSC manigija typing test-ko ong·draataha. Ian jatni kosako kragija dakani, jatko mikchepani aro ra·chakna man·gijagipa ong·a ine GSMC u·iataha. DSC-ni daka kamko namnikjae GSMC dolni palo H.Q Tura-ni Co-Chairman Luckystone R. Sangma raken jegalaniko koborna parakataha.
