Mijal salo Tura Constituency-ni MP Saleng Sangma, MPLADS project-rangni kam ka·anirangko Chief Secretary aro gipin department-ni official-rang baksa tom·e nipilaniko dakangaha. Ia somoio ua bilsi 22 ong·piloba MPLADS project-ni kamrangko matchotgija donenggiparangko nipilangan baksa indita ru·utbeoba matchote ka·na man·kujaenganiko sing·doangaha.
Bang·a school-rang aro college-rang mongsongbate Rongjeng jolo rikenggipa college-ko chong·motan gong lakh 10 chamgiminoni gong lakh 8.5 jakkalmanahaoba matchotkujaenganiko aganangaha. MPLADS project-ni kamrangko ka·na inditana dal·begipa tangka paisarang ong·jaoba mai neng·nikani a·selrango ru·utbea bilsirang ong·pilahaoba matchotna man·jaha ine Sangma janapangaha.
Ia tom·ani bako Chief Secretary pilak a·jani Deputy Commissioner-rangko 2002 bilsioni Utilisation Certificate-rangko on·china ge·etangaha.
