Tura-ni BJP MDC Bernard N Marak, Mongolbar salo Tura, Police Parade Ground-o ong∙atenggipa ’Mela’ ko niam gri ong∙atenga ine dontongatchina didiataha. Uni parakatani gita ia Mela-ko District Council-oniko maming ‘trade license’ gri ong∙atenga ineba janapataha.
MDC Bernard Marak, West Garo Hills Deputy Commissioner, Jagadish Chellani-ko iani bidingo sing∙sandianiko dakpachina mol∙molataha.
Ia mol∙molaniko dakengon, Marak, Mela-ko ong∙atengiparangara ‘trade license’ gnang ong∙atengama ba niamgri ong∙atenga, iani bidingo sing∙doaniko dakaha, maina iako niam gri ong∙atode bakan dontongna nanga ine janapataha. Ia mela-o waltinge gitrangko gam∙bee watanirangchi sepangjolo donggipa manderangna mongsongbate chatro chattri rang jemangan CUET porikkana tarisamsoaniko dakengachim uamangna namen neng∙nikanirangko on∙enga ine agandapangaha.
Jemangan niam gnang ‘trade licence’ donge salantio bading-chiwale, sorkarina kajinako on∙e pale-sim∙e cha∙engachim ia mela-ko ong∙atani a∙sel neng∙nikanirangko chagrongenga ine ua aganaha aro Turani DC-ko trading licence ni bidingo sing∙sandianiko dakchina janapataha.
