Da·al salo College of Community Science CAU Tura, National Mushroom Day-ko maniangaha. Ia program-ko College of Community Science Tura-ni Dean Dr. Jyoti V Vastrad baksana Human Development and Family Science (HDFS) Department-ni Associate Professor Dr. Kh Aimol aro Multi Technology Testing Centre aro Vocational Training Centre (MTTC&VTC) ni Assistant Professor Dr. Rajkumar Padamini bakko ra·e dakdilangaha.
Ia program-o samrang, dambongrangko ge·ani, cha·na namgipa aro bisi donggipa dambong-rangni bidingo mikrakatanikoba on·angjolaha. North East a·doko man·gipa dingtang dingtang cha·na namgipa dambongrangkoba ia program-o mesoke on·angaha. Ia program-o chu·gimik sak 45 me·chikrang re·bae bakko ra·ange adita skie ra∙aniko dakangaha.
