Adita salrangna skang Garo Hills ni dingtang dingtang biaprango chi bana ong·e nok jam rangni rusianiko nikna man·angaha jekon Health Department-nigita dakchakanirangko on·a name daken tarisamsoanirangko dakenga ine Health and Family Welfare Ampareen Lyngdoh aganangaha.
A·dok sorkari ni gitaba department rangko ka∙na nanggnigipa kamrangna donataha aro dakchakaniko nangenggipa manderangko nirokatna dingtang mancha kamo rakkiaha ine Lyngdoh u·iatangaha.
Medical ni gita nangchongmotgipa dakchakaniko on·chinaba kamrangko ka·china ge·etangaha. Health Officerrang, Disaster Management-o kam ka·enggiparang aro gipin line departmentrang baksa Chief Minister adita tom·aniko dakangaha. Ia dukni somoio a·sel ong·gipa nokdangrangna pilak dakchakaniko on·a kamko ka·anggen ineba Lyngdoh agandapangaha.
