West Garo Hills Poultry Wholesalers Association (WGHPWA) re·anggipa September 1, 2024 tariko rang∙gitik tom·aniko Hotel Sundare-o ong·atange West Garo Hills-ni Deputy Commissioner Office baksa niamgita segate donaniko dakna chanchirimangaha.
West Garo Hills-o do·orangko jile bading chiwale cha·anirangko niamko ja∙rike nambate kam ka∙e kragipa damrangko ra∙gatna ia segate donaniko dakna Tura Municipal Board aro District Administration baksa nangrime ong·atangenga ine WGHPWA dolrang aganangaha. West Garo Hills Poultry Wholesalers Association (WGH PWA) dolrang niam bidik-o pangchake uamangni miksonganiko, bil jakkalaniko, kam ka·anirangko aro niamrangko ja∙rike dakna nanggni kamrangko ka∙e do·o jilani a∙bako WGH-ni a∙jarango tang∙doatna dakchakanggen ine u·iatangaha.
Association-ko dilangna adita manderangko seokaniko dakangaha jean President-na Donbirth R Sangma, General Secretary-na Raknang Sangma, Vice President-na Nigam Marak, Organizing Secretary-na Deepan G Momin, Joint Secretary-na Ratna, Accountant-na Sanju M Sangma, Treasurer-na Promot Reshi, Advisor-na Jesse Marak aro Nerush Sangma-ko donangaha.
