A∙song gimiko Uniform Civil Code (UCC) ko ra∙gatgenchimoba North East-ni a∙dokrangna aro Sixth Schedule-ni ning∙o ga∙akgipa biaprangko watchangen aro maming dakeba kenchakani dongjawa ine Chief Minister Conrad Sangma Bristibar salo aganangaha.
UCC ni gimin aganengon, iako ra∙gatna ja∙ku de∙aniko dakna skang chanchirimanirangko dakangkuenga. A∙songni ning∙o donggipa saksa politics ni dilgipa aro tribal ong∙e iani bidingo an∙tangni manderangna chanchinagita nangchongmota ine Sangma aganaha.
Batanggimin somoirango UCC ni gimin uni agananirango pangchake ma∙mong sorkarini dilgiparang baksa agan-golpogrikani ja∙man Constituition o Sixth Schedule maikai ong∙a Rev. JJM Nichols Roy ni dakgimin kamrangko nipilate kamko ka∙na gita man∙gen. Ru∙uta bilsirangna skang tribalrangni dingtanggipa daka-rikani bewalrangko jakkalanio neng∙nikanirang bang∙genchimoba Nicholas Roy-ni kamrango pangchake chel∙chakangna gita man∙kugen ine Chief Minister aganangaha.
Rev. Nichols Roy ni Northeast-ni tribal manderangna dakanggimin kamrang inditan gamchatbeaniko ra∙bagen ine chanchisoani dongjachim ineba ua agandapangaha.
