Indiani G20 Presidency ni ning∙o Meghalaya Basin Management Agency (MBMA) Observer Research Foundation (ORF) baksa nangrime Think20 (T20) Secretariat-o ”Nature Solves: A New Framework for Our Sustainable Future ” ingipa katta ma∙chongo pangchake July 5 oni 7 tarikona Shillong songjinmao Conference ko ong∙ataniko dakenga. Ia conference ko Chief Minister Conrad Sangma ni jakchi oprake on∙anggen. Think20 dol ge∙sa G20 ni bak ong∙a jean G20 na seng∙gipa sapgiparang bida budiko on∙e sorkarini kam ka∙na nanganirangko somoi gita tarisamsona apsan chanchirime tik ka∙aniko dakgipa ong∙a. T20 dolrang uamangni chanchianirangko tarie G20 na kam ka∙giparang, dangdike on∙giparang aro dilgiparangna agan-talate on∙e niam ba dakna nanggnirangko ra∙gatnagita dakchakgipa ong∙a.
Public Information Office-ni u∙iatani gitade Meghalaya a∙dok ding∙a sin∙anirangna dingtang dintang cholrangchi seng∙gnang simsaksoanirangko dakna miksonganirang gnang. Buring bolgrimrangko ripingna gita Meghalaya a∙dok “Nature Banks” ko ra∙gate tangka paisarangko jakkalna gita man∙enga. A∙doko dingtanganiko ra∙bana gita “Carbon Farming Act” ko a∙bachengate a∙arango carbon ko rakkina aro game ge∙e cha∙aniko gital daktaina miksonge dakenga jedakode mikkangchi buring bolgrim ko nambate ripingnagita man∙gen.
Ia salgittam ni tom∙bimonge chanchirimanio niamko tarigparang, dal∙dalgipa poraia-skia man∙giparang, sorkarina dangdike on∙giparang aro gimiknigita changgipa sapgiparang dam 14 G20 a∙songrangoni bakko ra∙anggen. Unbaksana ADB, World Bank, UNICEF, UNESCO, UNDP aro TIPS uamang an∙tangntangni u∙i ma∙sianiko agan-golpogrike a∙songni aro a∙gimikni gita bol wa∙a, gama ge∙ani, me∙chikrangko ra∙doani, ba uandakgipa dingtang dintang namgnirangna chanchirimaniko dakanggen.
Chief Secretary DP Wahlang, Union Ministry of External Affairs G20 ni Joint Secretary Eenam Gambhir aro T20 Chair and President of the Observer Research Foundation, India ni Samir Saran ba ua tom∙anio bakko ra∙e agan-ku∙pattianirangko dakanggen.
