North Garo Hills Kharkutta C&RD Block-ni ningo ong·gipa Chachinat songo gital AYUSHMAN BHARAT HEALTH & WELLNESS CENTRE (AAM) Sub-Centre-ko Kharkutta-ni MLA Rupert M. Momin-ni jakchi oprake on·angaha. Ia oprake on·anio dingtang dingtang officer-rang jekai DM&HO, Dr. Priya Sengse R. Sangma, SD&MO, Dr. N. R. Marak, DIO, Dr. Rezia K. Sangma, Nodal Officer, Dr. Bonie Shira, a·jani ADC, Bontina Momin, Kharkutta Block-ni BDO Eva Nora W. Momin, Kharkutta ICDS PProject-ni CDPO, SDO PWD Kharkutta, Kharkutta Police Station-ni OC Peter Momin, DCPC-ni DPM Chechina R. Marak aro Kharkutta-ni M&HO Dr. Chelsea R. Marak dongpae bakko ra·angaha.
Ia Sub-Centre-ko jolo songdongenggipa manderangni namgnina miksonge Village Health Committee (VHC), Meghalaya Health Systems Strengthening Project (MHSSP) aro the National Health Mission (NHM) bakrime rika cho·anirangko a·bachengataha. Ia gital sub-centre-ko man·anichi Ayushman Bharat-ni miksonganio pangchake wilwilao songdongenggipa manderangna mikkangchi sanna bannani a·bao nambate dakna man·agita kadongsoanikoba janapangaha. Ia gital sure centre-ko oprake on·aniara NGH a·jani songadamrango sanchakram biaprangko bariatna, songdongenggipa manderangna kadonganiko on·a aro sannata bannani a·bao nambate dangdike on·a miksongani chin ong·a.
