Re·anggipa somoio Garobadaha-o saksa bilsi chu·onggijagipa me·chik bi·sako drae til·ekanio jak donggipa Pronob Ghosh ba Babpa Ghosh-ko jasa mang ong·piloba da·onan rim·na man·kujaenganina mijal salo jolni namrimgimin NGO dolrang aro songdongenggipa manderang dosi dakgipa mandeko ta·rake rimchinagita re·jomaniko dakangaha.
Ia re·jomanio Meghalaya Residence Safety and Security Act (MRSSA) 2017-ko taraken ragatchina dabianikoba a·bachengataha. Iasan ong·aigija, bading chiwalanio Trading by Non-Tribals Regulations (TNT) niamo pangchake jolo gipin jatrangni niamgri bading chiwale cha·anirangko nirok sandichina daito donggipa department-rangkoba mol·molange apsan nangrime am·sandianiko dakna tik ka·angjolaha. Ia dabianirangko uamang mikkangchiba dakangkuna u·iatangaha aro indakgipa a·selrango sakantikon krimkro ong·e bakrimpachina didiangaha.
