Ministry of DoNOR-ni ra·bagipa North East Special Infrastructure Development Scheme (NESIDS) Other than Road Infrastructure (OTRI), 2023-2024 bilsini ning·o ge 1 project-ko Tura songjinmani wilwilao donggipa songrangna bulk water supply scheme-nigita chamataha ine CM Conrad Sangma da·alni Assembly Session-o aganangaha. Ia project-ko chu·gimik 97.77 crore tangkarangchi ka·anggen aro kamrangko ka·na tangka paisarangko da·o dipet ma·mong sorkari watata dongkuja ine Sangma janapangaha.
DoNOR Ministry 2023 bilsini August 18 tariko janapatanigitade NESIDS, OTRI-ni project-rangko matchotatna dingtangmancha somoi dona dongkuja. Ia kamrangko matchotatna project ge·saoni ge·gipinosa pangchaka ine Sangma parakangaha. 15th finance 2026-ona NESIDS, OTRI-ni ning·o gong 408.44 crore tangkarangko chamatani gnang. Ia tangkarangchi kam ka·na a·dok sorkari ma·mongna ming 9 project-rangko on·ataha jeoniko Tura bulk water supply scheme-ko ra·chakaha ine Sangma aganangaha.
North East Special Infrastructure Development Scheme (NESIDS) baksa Other than Road Infrastructure (OTRI)-ko 2023 bilsio Ministry of DoNOR kamrangko namdapatna bikotdapgipa ong·a. Iako aganengon 2023 bilsina skang chu·gimik ge 12 project-rang dongsoaha ine CM Conrad Sangma agandapangaha.
