Bangalore songjinmao bilsi 15-ni ning·o ong·gipa me·asa chadamberangni Subroto Cup Football Tournament-ni final susaanio Meghalaya dol 3-0 chi Uttar Pradesh a·dokko amate chegipa ong·aha.
Subroto Cup U-15 category-o, Meghalaya dolni palo Nongjri Presbyterian Secondary skul, Ribhoi-oni bakko ra·angaha. Uamang re·anggipa jao State Level Subroto Cup-ni final-ko chee ia tournament-o kal·na cholko man·aha.
Final susaanio Meghalaya a·dok a·bachengaoni bon·aona sikchepe kal·aha jeon Properwell Ryntong goal gniko man·aha aro bon·chotgipa somoini bako Namebanlam goal 1-ko chipe doltangko cheataha. Ian Jeffrey Warlarpih-ni coach ong·e dilanio brigipa changna national-ni gadango cheani ong·a. Uni dilanichin ia bilsio Khelo India Youth Games Football-koba cheaha.
Unbaksana, 2019 bilsio Sub-Junior National Football Championship aro 2013 bilsio me·asarangni U-17 Subroto Cup-koba cheangaha. Ian Meghalaya a·dokna Subroto Cup-ko 7-gipa changna cheaniba ong·a.
