Film Director Dominic Sangma-ni Rapture ba Rimdogittanga jawilwat a·gilsak gimikchi songreange dingtang dingtang a·bao bang·a award-rangko man·angaha. Minggipin award-ko, Dominic Sangma, Indian Film Festival of Melbourne 2024-o Best Director-na man·taie uni chu·sokani gadangko jawilwat tarigiparangni a·damo niksengbatroroataha.
Ia film festival-o bang·a sapgipa aro mingsinggipa manderang baksa susagrikna nangaha jekai Kiran Rao-ni jawilwat ‘Lapata Ladies’, Hemant Rao aro Diwa Shah-ni jawilwat ‘Bahadur’ jemangan India a·songo nambatsranggipa Director-rang ong·a. Indake sapgipa manderang baksa apsan gadangna susana nanggenchimoba Dominic Sangma uamang baksa maming dakeba komija ine nikna man·aha.
Dominic Sangma ni ia award-ko man·anian uni changa sapani mangmangkosan mesokaigija A·chikrangni golporang aro dakbewalko mesokaniba ong·a. Ian A·chik jatna aro North East jolna namen rasong chabeaniba ong·a.
