East Garo Hills-ni Krishi Vigyan Kendra (KVK), re·anggipa August 8-oni da·al 14 tarikona “Post Harvest Management Technologies in Agricultural sciences for income generation” katta bichongko ra·e salbongana vocational training-ko Williamnagar fisheries training Hall-o ong·atangaha. Ia training-o a·jani sak 25 mang entrepreneur-rang bakko ra·angtokaha aro ian dingtang mancha jolni chadamberangna an·tangtangna kamaiani cholrangko ra·bana didianiko on·a skiangaha.
East Garo Hills, KVK-ni Head, Dr. Brijendra Singh Rajawat, Principal Scientist, vocational training-ni gamchatani bidingo sokbagiparangna talatangaha. Ge·e game cha·giparangna namgipa aro nangchongmotgipa training-rangko pakwate on·anichi bagan bari dakaniko namdapate tangka paisa man·gnirangko bariatna amanikoba Singh aganangaha.
Dr. Trudy Tengse A. Sangma, SMS Horticulture, ia salbongani training-ni gisepo anaros-ko ge·anio namdapatani cholrangko skie on·angaha. Iasan ong·aigija dingtang dingtang bosturang jekai jam, squash, barfi aro gipin ringanirangko tarianikoba Sangma skiangaha. Dr. Nirupama Chanu, SMS Agri. Engineer, te·brongko ge·anio namdapatani bidingo talatangaha aro te·brongoni chips, mixture, papap aro jam tarianiko skie on·angaha. Dr. Zosangpuii, SMS-Livestock Production, ia training program-o dut aro be·en-oniko cha·ani bosturangko bikote badinganio namen tang·doaniko ra·bana man·aniko sokbagiparangna ma·siate on·aha. Unbaksana, maikai paneer aro aachar-ko tarina nanganikoba skie on·angjolaha.
Apsandaken, Dr. Milind B Katare, SMS-Fisheries, na·tokoniko bosturangko tariani kolrangni bidingo talatangaha aro Dr. Y Herojit Singh, me·gimu ge·anio man·gniko baridapatani gimin skie on·angskaaha.
