Inter-Mahari Football Tournament 2024-ni gittamgipa salo dol 4 maharirang Chandmari playground-o da·al salo kal·angaha. Skanggipa match-ko Ampang mahari aro Chada maharini gisepo susagrikangaha. Gnigipa match-o Dajel mahari aro Mangsang maharini gisepo kal·angskaaha.
Ampang aro Chada maharini gisepo susaanio, Ampang maharirang skanggipa half-o penalty-ko on·anio Chesrang A. Sangma goal chipchengaha. Apsandaken Chada maharinaba Gringgrang Chada-ni skanggipa half-o penalty-ko man·e chipe on·anichi Ampang mahari baksa apsangrik ong·nagita man·aha.
Ampang maharina gnigipa goal-ko Danby A. Sangma chipe on·aha jeon gnigipa half-o Chada maharina Salgrim Chada-ni goal chipe on·anichi dolgnian apsangrik ong·taiaha. Bon·kame Ampang maharina Danby A Sangma-ni jotton ka·e kal·anichi goal 1 ko chipe on·taina man·e, Chada maharini kosako chenagita man·angaha.
Gnigipa match-o Dajel mahari aro Mangsang maharini gisepo kal·anio dolgnian biltinggrike kal·e chu·gimik somoio goal chipgrikna man·jae bon·kame penalty tingsusaanio Mangsang mahari chegipa ong·aha Jeon uamang 4-2 penalty goal-chi Dajel maharirangko amataha.
Knal salni bakoba me·asa dolrang match ge·sa aro me·chik dolrang match ge·sa kal·anggen. Me·chik dolrang Maji mahari aro Dawa maharirang susaanggen aro me·asa dolrang Chambugong mahari aro Rangsa maharini gisepo kal·susaangskagen.
