Meghalaya Junior & Sub-Junior State Boxing Championship 2024-ko Meghalaya-ni skotong Shillong songjinmao August 7 oni 9 tarikona ong·atnasienggipao, a·dokni dingtang dingtang a·jarangni boxing kal·gipa chadamberang bakko ra·anggen. Ia State Boxing Championship-ko Meghalaya Boxing Association (MBA), Directorate of Sports & Youth Affairs baksa bakrime ong·atangenga.
Ia susaanio Garo Hills Boxing Association-ni dam gittam a·ja chong·motan West Garo Hills, North Garo Hills aro East Garo Hills a·jarangni A·chik chadamberang bakko ra·e susaanggen. West Garo Hills-ni palo Sub-Junior Category-o susanasienggiparangara Marbaniang M. Sangma (33 kg), Nambearo M. Sangma (35 kg) aro Challang D. Arengh (55 kg) ong·a. Junior category-o susanasienggiparangara Baron Changrik Ch. Sangma (46 kg), Chegado Kurangsal D. Momin (52kg), Dimsrang Ch. Sangma (57 kg), Chekim A. Sangma (57 kg) aro Casbe K. Marak (63 kg) ong·skaa. Unbaksana NGH aro EGH a·janiba adita chadamberang bakko ra·ange susaangtokgen.
Ia susanasienggipa chadamberang da·alo Shillong songjinmaona re·angaha jeon uamangko sakgittam officialrang chong·motan Meghalaya-ni National Boxer aro Garo Hills Boxing Association-ni Secretary Balnas Sangma, Manager Angam Marak aro Coach Matthew M. Marak dilangaha ine parakataha.
