South West Garo Hills a·jao ru·utbea bilsirangna Ampati Engineering College-ko matchotatgija galchipe donenganina, Niksamso Garo Community Organization (NGCO) dolrang suk ong·gijaniko parakataha. Ia Engineering College-ko riknagita ru·utbea bilsirangna skangan sorkari chamatgenchimoba da·onaba rika cho·anirangko matchotatgija gal·chipe donaniko nikna man·enga ine uamang janapataha. Ian SWGH a·jao ge·sa namgipa skie ra·chakram biap ong·an baksana chadamberangni poraie skie ra·anio namen dakchakbeani ong·genchim ineba janapangaha.
Iasan ong·aigija Garo Hills-ni dingtang dingtang a·ja ba biaprango sorkarini chamatgimin bang·a dal·dalgipa project ba scheme-rangko rika cho·anirang matchotgija galchipe donanirangko niknagita man·e, ia pilak chu·sokgija dongenggipa project ba scheme-rangko nirokate ta·rake kamrangko ka·e on·china NGCO dolrang a·dok sorkariko mol·molangaha.
