Health Facility Manager aro Sub-District Administrator rangna U-WIN-ko jakkalani bidingo NGH-o skie on∙anga

North Garo Hills a∙jao Universal Immunization Programme (UIP) na digital technology, U-WIN system ko jakkale kam ka∙na tarianirangko daknagita, Health Facility Manager rang aro Sub-District Administrator rangna U-WIN-ko jakkalaniko July 3, 2023 tariko North Garo Hills a∙jao skie on∙anirangko dakangaha.

Ia Digital system ko jakkale mikkangchi bi∙sarangko biji su∙ani sal aro tarikrangko tik ong∙e rakkina gita kamrangko ka∙na dakchakanggen. Bi∙sarangni biji su∙ani card rangko Ayushman Bharat Health Account (ABHA) ID baksa nangrimate sal, tarik aro segate rakkina nangchongmotgiparangko digital system ni gita kam ka∙angna miksonge skie on∙anirangko dakangaha.