Bangladesh a·songo adita so·sojengjeng ong·anirang batrikrikengani gimin Bangladesh-ni sima ari jolo Meghalaya sorkari da·al waloni curfew ko ra·gatangaha. Kajia golmalrang namjani a·selo Sheikh Hasina Prime Minister-ni kamoni wate Bangladesh-oni India a·songona da·alo katnapbaaha.
Meghalaya a·dokni biaprang Bangladesh a·song baksa 442 km mangnigita sima ari jolrango gnang. Iani bidingo da·al attamni bako BSF officialrang, DGP, Chief Secretary aro a·dokni home department-ni officialrang baksa Deputy Chief Minister Prestone Tynsong tom·e chanchirime da·al attam 6 bajioni pring 6 bajiona sima ari jolni 200 metre-rangni gisepgriko curfew ko ra·gatna tik ka·angaha.
Ia nirok simsakaniko BSF ge 9 batallion dolrang aro a·dokni pulis dolrang apsan bakrime kamrangko ka·angen ine Tynsong u·iatangaha. Unbaksana ma·mong sorkarinigita sipai kotokrangko watdapatna miksonganikoba Tynsong parakangjolaha.
