Tura songjinmao August 1 tarikoni wrestling kal·aniko skie on·a a·bachengatna am·enganiko saksa Free Style Wrestling Coach, Prangkybirth M. Momin ui·ataha. Garo Hills-o ia sports-ni a·bako Tura songjinmao skie on·a miksonganiko Garo Hills Wrestling Association-ni dilgiparang ku·monge ja·ku ga·angenga.
Garo Hills-ni chadamberang wrestling class-o bak ra·na sikgiparang donggenchimode on·gimin contact number-ona chong·motan 9362748049/9366649441 ona call ka·e ba whatsapp ka·ate talbate sing·atna man·gen. Ia wrestling class-o me·asa aro me·chik gimikan admission-ko ra·na man·gen.
West Garo Hills Wrestling Association-ni wrestling class-ko ra·na miksonganiara mikkangchi Garo Hills ni chadamberangko ia sports-ni a·bao ra·dona aro re·baenggipa chang 6 gipa Meghalaya Games 2025 onaba chadamberangko tarisoani ong·gen ine ui·ataha.
