East Garo Hills ni Rongrenggre Government Higher Secondary School-o synthetic football turf ko rikna pangchakani ro∙ongko PHE Minister aro Williamnagar ni MLA Marcuise Marak songe on∙angaha. Ian football kal∙na sapgipa chadamberangna aro sports ni a∙bao gisik nanggiparangni nangnikaniko chu∙sokatna kam ka∙ani ong∙a ine Marak aganangaha. Ia project-ni rika cho∙ani kamrangna gong 11,55,77,00 ko chamataha.
Ia project ni ning∙o VIP rostrum, gansreani room rang, kal∙chakram biapni kona noksikrango guare kaan baksana samsirangko FIFA ni dongimin gadango pangchake tarianiko dakanggen ine Marak parakataha.
Ia program-o East Garo Hills ni DC Vibhor Aggarwal, Rongranggre Government Higher Secondary School ni Principal aro East Garo Hills ni DSO ba dongpae bakko ra∙angaha.
