EGH Dobu Rimding deficit UP School-o Assistant teacher-ni kamna rimnapkujaenganina, Dobu Regional Unit-ni AHAM dolrang ta·rakkale rimnapchina a·jani Education Minister Rakkam Sangma-na chitti see DC ni jako on·e didiataha.
AHAM dolni janapatanigitade, Asst. skigipani kamna 2023 bilsion advertisement-ko nakatate interview-ko ra·e matchotatmanahaoba da·ona kingkingba kamo rimnapaniko dakgija donchipenga ine u·iatangaha. Indake skulo namgipa skigiparang komiani a·selo skia poraiani gadango tang·doani dongjaenga ine janapataha.
Iani bidingo jako ra·enggipa dilgiparangko gronge agan golpogrikaniko dake didianggenchimoba ka·dongatani kattarangko aganana agre kamna rimnapna ja·ku de·anirangko dakuja ineba janapataha. Indake Dobu jolni chatro chatrirang aro songdongenggipa manderangni namgnina kamrangko nirokate ta·rake rimnapchina AHAM Dobu Regional Unit dolrang Education Minister ko DC-nigita mol·molangaha.
