Batanggimin July 4 tariko, Tura Araimile-ni A·chik chadambe saksako NLF Rehab Centre, Nayapara, Goalpara-o kragija doke sate so·otanina, Bajengdoba jolni NGO-rang jekai GSU, Matgrik Do·mesal, AHAM, AAYF, ASWA, AYWO aro FAF dolrang sianggipa mandena kalimpaaniko mesoknagita candle light service-ko ong·atangaha.
Unbaksana ia candle light service-ko ong·atani somoio Meghalaya-ni A·chik chadambeko so·otaniko jegale, kakket bichalko ra·bae on·china aro sorkarini rai on·a gri niamni a·palo lekka pancha gri chalaienggipa Rehab Centre-ko chipate donchinaba Assam sorkariko didiangaha.
Indake ong·engon Meghalaya aro Assam a·dokrang bading chiwalanirangko dakna re·grik dogrikanirangko dakengani gisepo mikkangchi indakgipa a·sel obostao chagrongna nangjanagita kakket bichalko on·e nirokatchinagitaba Bajengdoba jolni NGO dolrang didiangaha.
