BJP dolrangni UCC ko a∙song gimiko drae ra∙gatna miksonganian uamangko re∙baenggipa 2024 Lok Sabha election-o amma cha∙aona sokatgen ine Leader of Opposition Ronnie V. Lyngdoh Sukrobar salo aganaha. UCC ko ra∙gatanichi a∙song gimikni dingtang dingtang daka-rikaniko ja∙rikgiparangna neng∙nikaniko ra∙bagen ine Congress dolrang rakbeen jegalaniko dakenga.
Ia niam ko ra∙gatanichi mongsongbate tribal rangna neng∙nikaniko ra∙bagen, iachi jatni niam, daka-rikani, aro a∙ako a∙kangani bilrangko gimaataona sokgen ine Lyngdoh aganangaha. Ia bill ko ra∙gatna BJP ni miksonganiara manderangni vote ko salna gitasan ong∙a aro uamangni dilsrete sason ka∙aniko pindapna jotton ka∙ani ong∙a ine Lyngdoh agandapaha.
