Tura songjimao ong·atronggipa Inter Mahari Football Tournament 2024 susaaniko ru·utgija somoini gisepon a·bachengatna tik ka·angaha. Form rangko District Sports Office Tura-oni ra·ena man·gen aro July 22 tarikona kingking form-rangko ra·chakna tik ka·angaha.
Ia Inter Mahari Football Tournament ko Chandmari GBHSS ni kal·chakramo District Sports Office Tura, District Football Association aro District Administration bakrime ong·atanggen. Me·asarangnade ian 4 gipa chang ong·enga aro me·chikrangna gnigipa chang ong·skaenga.
Re·anggipa 2023 bilsio me·asarangni final-ko Agitok aro Tegite maharirang kal·angaha jeon Agitok chegipa ong·e da·o champion ong·engkua. Me·chikrangni kal·aniko Mrong mahari aro Chambugong ni gisepo kal·angaha jeon Mrong chegipa ong·angskaaha.
