Chang 9 gipa Meghalaya State Shooting Championship-ko June 24 oni 30 tarikona Shillong songjinmao ong·atanggipao West Garo Hills Shooting Association-ni adita kal·giparang chegipa ong·baaha.
Dingtang dingtang meter-rango gosusaanio chong·motan 10 M Rifle Master Category-o Gold-ko Rangku Oris N. Sangma, 50 M Open sight online-o Gold-ko Tengsilchi R. Marak aro Bongacheng R. Marak 50 M Open sight online-o Silver medal-ko man·angaha. Walsall M. Momin, 10 M pistol Mixed team-o Bronze aro 25 M Centre Fire-o Silver ko cheangskaaha.
50 M Open sight offline, 10 M Rifle junior aro 10 M Rifle youth, iarangni bako gosusaanio chadambe me·tra saksan Emarian Tanganchi M. Marak Bronze medal-ko chegopangaha.
