Tura Football League 2024 ni skanggipa Division-o da·al salni kal·anio Balmikka GSC goal 6-4 chi Galmak FC dolko biltinggrik kal·anio amataha. Mijal salni kal·agitan ia changoba Division I ni gisepo kal·anio hat-trick goal chipaniko nikangtaina man·aha. Balmikka GSC dolna goal 5 ko Tengrik saksan chipaha aro Goal 1 ko Grebinath M. Sangma chipe on·angskaaha. Tengrik Marak, skanggipa half-o goal 4 ko chipna man·aha aro gnigipa half-ni 54 minute-o goal 1 ko chipdapaha.
Galmak FC skanggipa half-o goal 3 ko chipe Balmikka GSC-na ja·manchakaha aro gnigipa half-o goal 1 kosan chipdapna man·e goal 2 na sirikaha. Galmak FC dolna hat-trick goal-ko Bilseng M. Sangma chipna man·aha aro goal 1 ko Nikrang Achura Marak chipangskaaha.
Division II ni gisepo kal·anio WACC goal 2-0 chi Ambri Ading CYC-ko amataha. Ia kal·anio WACC dolna William aro Hiltin goal prakko chipaha. Ambri Ading CYC dolna substitute-o napagipa Salgrik B. Marak gnigipa half-ni 66 gipa minute-o goal 1 ko chipaha.
