A∙dokni reservation policy ko nipiltaiani bidingo je 40% ka∙e Khasi-Jaintia aro Garo rangna chamatgiminko dingtangatjachina BJP ni dilgipa aro Cabinet Minister AL Hek Expert Committee na janapangaha. Iako aganengon Khasi-Jaintia aro Garo rangni 40% ni ning∙o 20% ko kangal cholgrina chamatskachina Hek didiangskaaha.
Uni agananigitade Khasi-Jaintia ni 20% ko jatni chol ong∙kalgipa chadamberangna aro bangki 20% ko Below Poverty Line (BPL)-o ga∙akgipa chadamberangna chamatskana janapangaha. Apsan daken Garo rangni 40% oniko 20% rangko A∙chik chadambe jerangan BPL nokdango ga∙akgiparangna tikatskachina aganangaha.
