Garo Hills-ni itihaso skanggipa changna Tura songjinmao UGC NET porikkarangko June 18 tariko name ong·atangna man·aha. UGC NET porikkako sechakna dambri centre-rangko seokangaha jean Don Bosco College Tura (330501), Sherwood School (330502), Captain Williamson School (330503) aro Nokrek Heights (330504) ong·a.
Ia chango Garo Hills-o chu·gimik sak 1080 chatro chatrirang porikkana register ka·aha aro ia centre-rango seangtokaha. Porikkani skanggipa bakko 9:30 bajioni a·bachengataha aro gnigipako 2:30 bajimangoni ong·atangskaaha. Porikkako seatani somoio maming neng·nikanirangko chagronga dongjaha aro name chu·soke matchotna man·angaha.
City Coordinator aro Don Bosco College, Tura-ni Principal Fr. Mukhim, skanggipa NET porikkako chu·sokatna man·anina District Administration, Police department aro HDFC bank-ko janape mittela gnang aganangaha.
