India Meteorological Department (IMD) ni mikka jimbee wana am·ani bidingo mikrakataniko on·ani ja·mano a·doko adita nisiatako man·gipa chu·gimik song aro nokrangko Meghalaya State Disaster Management Authority (MSDMA) u·iatangaha.
Mikka jimbee wa·anichi a·arang ru·rongdape WGH a·jao dam 24 songrango adita nok jamrang nosto ong·anio nokdang ge·sani nokko chu·gimik aro nokdang ge 3 ko adita nisiatako man·an baksana bang·a songni rama jal·angrang nosto ong·angaha ine u·iatangaha.
Indake ong·genchimoba SWGH, SGH aro NGH a·jarango mikka balwana bolrang aro ramarang nosto ong·ana agre nok jamrangko bang·e nisiataoni naljokaha ine MSDMA parakataha.
