North Garo Hills-ni Integrated Beekeeping Development Centre (IBDC), Sambrak-o skanggipa changna bija jile cha·enggiparangna salgittamna bijako jilanio nangchongmotgipa u·ie ra·ani bidingo skie on·agita District Horticulture Officer ong·atangenga.
Ia skie on·aniko June 12 oni 14 tarikona ong·atangenga jeon a·jani u·i ma·sigipa Master Bee Keeper-rang skie on·angenga. IBDC-ni mingsa mongsonggipa kam ka·aniara bijarangko maikai name simsake jilna skian baksana bija bitchirangko bang·e man·e pale cha∙na cholko on∙a aro bija jilanio changa sapaniko skie on·agita ia training-ko ong·atangenga. Ia training-o lekkarangko jakkale skie on·an baksana changa sapaniko bariatna bija jilchakram biaprangona re·ange jaktangchi dangdike niatanikoba dakangenga.
