South West Garo Hills a·jao Garobada New Harigoan songo bijoli LT line ga·ake bilongbee saknaa man·gipa mande bilsi 18 ni chadambe Arjun Ch. Sangma-na department-nigita maming dakchakaniko on·gija donenganiko Garobada APA regional Unit u·iatangaha. Ia ong·a a·selko department-ni JE aro SDO-na janapaton, uamang maming jak dongja ine parakataniko APA dol raken jegalataha.
Da·alona kingkingba saknaa man·gipa mandeko maming dakchakani gri oxygen on·e Tura Civil hospital-o donenga ine uamang parakataha. Department-ni u·iatanigitade kam ka·na sorkarini quater-rang dongjani gimin kamrangko name ka·na man·jaha ine APA dolrangna aganchakatskaaha.
Department-nigita dakchakna maming ja·kuko de·janina APA dolrang jegalatan baksana daito ga·akagipa manderangni kosako raka ja·kuko de·chinaba uamang janapatjolaha.
