India a∙songo 2024 Lok Sabha Election-ni result-ko parakanio chu·gimik 543 LS seat-oniko NDA 293 aro INDIA Bloc 234 MP-rangko chegipa ong∙ani gisepon, ma∙mong sorkariko sawa mancha rikna amaniko agansonagita man∙kujaenga
Indake ong∙enggon NDA-o bak donggipa jean Bihar-o Nitish Kumar-ni party JD(U) ge 12 seat aro Andhra Pradesh-o Chandrababu Naidu-ni party TDP ge 17 seat-rangko man∙aha jeon da∙o dipet ia party ge·gniko Congress dolnigita INDIA Bloc alliance sorkariko riknagita agan golpogrikanirangko dakangenga.
Ia changni LS election-o BJP sak 240 MP-rangko chee bang·batgipa ong∙enga aro Congress dolrang sak 99 MP-rangko man∙e gnigipa bang·batgipa ong∙e dongenganiko nikna man∙angaha. Indaken da·o BJP baksa bak donggipa party-rang sak 53 MP-ko man∙e NDA-ni chu·gimik sak 293 ong·enga aro Congress baksa bak donggipa party-rang sak 135 MP-rangkosan man∙e INDIA Bloc-o chu∙gimik 234 ong∙e NDA-o bak donggipa JD(U) aro TDP dolko INDIA Alliance-ona rimnapna jotton ka·enga.
