2024 Lok Sabha General Election-na 2-Tura Parliamentary seat-o susaanio, Garo Hills-ni saksa kamkam Congress-ni MLA Saleng A. Sangma MP na susae 383919 vote-rangko man∙e 155241 vote-rangchi changgni MP ong∙gimin aro Union Minister ong∙gipa NPP-ni candidate Agatha K. Sangma-ko ganggilate chegipa ong∙aha. Ia election-o NPP-ni Agatha K. Sangma 228678 vote-rangkosan man·aha, TMC-ni Zenith M. Sangma 48709 vote-rangko aro IND candidate ong∙e susagipa Labenn Ch. Marak 6910 vote-rangko man∙angskaaha.
NPP party a∙doko sorkariko chalaigenchimoba Garo Hills-ni saksa kamkam Congress-ni MLA Saleng A. Sangma baksa MP susaanio sirikaniara NPP dolna mikkangchi kensoaniba ong∙enga. Agatha K. Sangma, P A. Sangma sagini demechik ong∙a baksana Chief Minister Conrad K. Sangma-ni nogipa ong∙genchimoba ianpako Garo Hills-ni manderang P A. Sangma-ni nokdangoniko seokgijaniara a∙doknasan ong∙gaigija India gimiknan aiao inmanpilani kattaba ong∙aha.
Ian Garo Hills-ni ithias-o P A. Sangma sagini nokdangoniko ong∙gija skanggipa changna Garo Hills-ni manderang gipin party-oniko MP-na seoke watataniko niknagita man∙angaha.
