Gitalgipa degree college-rang chong·motan Rongjeng aro Patharkhma Model Degree College-rango Under Graduate Course-ko 2024-2025 bilsio porainagita admission-rangko ra·na on·engahaniko Education Department parakataha.
Ia college-o Arts stream-ko poraina man·gen aro ia college-ko ra·bae on·anichi gisiko nanggipa chatro chatrirangna poraianio chu·ongagita dakchakaniko on·an baksana uamangni miksonganirangko chu·sokatna dakchakani ong·anggen ine Education Minister Rakkam Sangma aganangaha.
