North Garo Hills Kharkutta contituency-ni ning·o ong·gipa Adokgre RMSA School building gitalko rika cho·anio matchotani ja·man kam ka·anirang jakminja aro chu·ongnikja ine Kharkutta ni MLA, NGO aro songdongenggipa manderangni jegalataniko man·e da·al salni bako a·dokni Chief Minister Conrad K. Sangma re·ange nirokeaniko dakangaha.
Adokgre RMSA School buildingko rika cho·anio chu·onggijaniko nike a·dokni CM, a·jani DC ko bakan iani bidingo ta·rake am·sandianiko dake contractor-ni kosako nanggipa ja·kurangko de·e kam ka·china ge·etangaha.
Iani gisepon a·dok sorkarini project-rangko ka·enggipa pilak contractor-rangkon kamrangko name ka·jagenchimode mikkangchi uamangni kosako raka sinjetaniko on·anggen ine CM mikrakatangaha.
