Meghalaya a·doko jawilwat tarigiparangni neng·nikaniko ma·sie ra·na, Information & Public Relations Department ni Commissioner & Secretary, Vijay Kumar Mantri adita a·dokni jawilwat tarigiparang baksa Shillong songjinmao tom·e agangrike chanchirimangaha. Ia tom·anio a·doko ja·wilwat tariani a·bao niksenggiparang jekai Dominic Sangma, Pradip Kurbah, Commander Shangpliang, Section Syiemlieh, Simi Khongthiang aro gipinrangba dongpae chanchirimaniko dakangaha.
A·dokni jawilwat tarigiparangni neng·nikanirangko niate dakchakaniko on·a policy ba niamrangko tarinaba IPR department ra·chakangaha. Ia policy rangchi a·doktangni jawilwat tarigiparangnasan ong·aigija a·palchini Meghalaya ona re·bae jawilwat tarina cholrangko ra·bana, unbaksana uamangni project rango a·doktangni manderangba kam ka·pana chol ong·china miksonge bikotanggen.
Ia policy dingtang mancha jawilwatrangko a·doktango, a·songtango aro gipin a·songrangona sokatnaba dakchakanggen ine u·iataha. Unbaksana jawilwatni bidingo manderangni gisepo gisik nanganiko ra·bana school aro college rango Film Club rangko bikotna nangani giminba chanchirimangaha.
