BSF dolrang sak 10 manderangko West Jaintia Hills a∙jao  rim∙a

June ni 27 tarik Mongolbar salo, Meghalaya-ni West Jaintia Hills a∙jao Border Security Forces (BSF)-rang Dawki-Amlarem highway-o sak bonga Bangladesh ni manderangko niamgri napdrabaaniko aro uamang baksa sak bonga Indiani manderangkoba sima-ari jolo rim∙aha.

Rim∙a man∙gipa Bangladesh ni manderangko sing∙sandianiko dakon, uamang India-o songdongkamna miksonge sima ari-ko batbaaha ine BSF dol ni dal∙batgipa dilgipani parakatanio u∙ia man∙aha. Bangladesh aro India ni rim∙a man∙gipa sak 10 manderangko police na pakwatataha ine u∙iatskaaha.