Da·al salni Tura Football League-o susaanio Dadenggre FC ko West Balalgre Club goal 4-0 chi amataha. Ia kal·anio West Balalgre club doloni Walseng Sangma 13, 59 aro 76 minute-o goal 3 ko chipaha aro goal 1 ko Sengrin Sangma 67 minute-o chipna man·angaha. Uamangni doloni Albush Sangma aro Lackwing Marak sakgni yellow card ko man·aha. Indake ong·genchimoba West Balalgre club kal·a gimiko Dadenggre FC na goal chipna cholko on·jaha aro bon·kamaona kingking bil·ake kal·e susaanio chegipa ong·angaha.
Dadenggre FC dolrang uamangni dolni gisepo kal·rimskarang baksa meli-ma·rape kal·na man·jae kal·a gimikon goal chipna man·jaha. Indake uamang skanggipa goal-ko minute 13-o, West Balalgre club ni jako goal chipako man·aha. Dadenggre FC dolrang kal·a gimiko goal chipna jotton ka·beoba bon·kamaona kingking Balalgre club ni bilake kal·ako pe·na amjaha. Unbaksana ia kal·anio Dadenggre dolni Bokseng Sangma aro Jani Sangma yellow card ko man·angaha.
