Re·baenggipa September 30 oni October 2 tarikona West Garo Hills a·ja gimikon chu palgipa dokrangko chipchina West Garo Hills Deputy Commissioner (Excise) u·iataniko on·angaha.
Ian September 30 aro October 1 tariko Durga Puja aro October 2 tariko Gandhi Jayanti jean Mahatma Gandhi-ni atchiani salko maniani donganina chu dokan rangko chipangna tik ka·angaha.
Ia salrango pilak bonded warehouse, wine tarie palgiparang, bar aro dingtang dingtang chu man·gipa dokanrangkoba chipchina ge·etangaha.
